جان اقبال پلووم

سورے اۆند پۆک اوس خشک تہ زمین ٲس زنتہ مرنس پیمژ۔ ژۄپٲرۍ اوس دہے دہہ باسان۔ زندگی ٲس بڈہ بے صبری سان رودہ قطرن انتظارس تہ جگرس جاے کرنس پراران۔ شکر تس ذاتِ پاکس کن یمۍ سندِ حکمتہ سیتۍ یہ سورے سپدان چھہ۔ وُہہ ون دریاو گۆو اظہار۔ اۆبرہ ژادرو دیت پانس چیر تہ ٲس دٲرتھ زمینس شہلووکھ جگر۔ رُدہ شرانہ ہیند یہ شور اوس اکھ مۆدر بٲتھ بنتھ دلن تلاطم تلان۔ چارپاہ ٲسۍ وۄلسنس ٲمتۍ۔ رحمتکۍ قطرہ ٲسۍ زمینس لول برنہِ دوران۔ کمۍ سند طاقت چھہ ز اسمانہ وسن والین یمن رحمت کین قطرن ہند شمار ہیکہ کرتھ ۔ آسمانکۍ تارکھ کس آے ازتام گرنز۔

اما پۆز صبحس کیت ییلہ نب صاف گۆو تہ آفتاب لۆگ پرزلنہِ تہ اۆند پۆک ہیوتن خشک گژھن۔ کنہِ لجہِ ہۆکھتھ بییہ تتنہِ تہ سڑکن وۆتھ گردغبار۔ مگر یس رود میژِ پننس وچھس منزشرۆپروومت اوس تتھ زن لج گریکھ تہ آو زیتھ ۔ لاتعداد سبز برگو کۆڈ کلہ تہ وچھان وچھان پھیور ژۄپٲرۍ سبزار۔

انسانن، جانورن تہ زو زٲژن پھیر وۄمید۔ کہند طاقت چھہ ز زمینہ منز کھسن والین یمن گاسہ کُلین ہند شمار ہیکہ کرتھ ۔ آسمانکۍ تارکھ کس آے از تام گرنز؟  ٭٭٭