اختر محی الدین سند افساانہ جلہِ ہندۍ دندہ پھلۍ چھہ شوکت صوفی ین آواز بند کورمت۔
حیرتھ، حیرتھ ناکھ چھہ نسیم شفایی سند تازہ وژن۔ یہ چھیہ تقریبا کنی شاعر یۅس وژنچ روایت تازہ حیسیت سان زندہ تھٲوتھ چھیہ۔
کتھہِ منز کتھ 1 آنلاین نیب کہ خاطرہ ریتہ وار کالم لیکھنہ خاطرہ کرییہ میہ پننین ادیب دوستن اکھ عام گزارش۔ اکس شخصس علاوہ (یمس بچارس کاشر تہِ لیکھن چھہ نہ تگان) ہٲو نہ کٲنسہِ دلچسپی۔ میہ ٲس کینژن نش وۅمید زِ تم یِن برونہہ کن مگر سپز مایوسی۔ سلیم سالک صٲبن دژ میہ یہ […]
اکھ لفظ چھہ مس (مست) یعنی مستی منز۔ امہ لفظک مول کیا چھہ؟ کانہہ تہِ پورمت لیوکھمت شخص ہیکہِ اندازہ کرتھ۔ مگر کاشرِ ڈکشنری منز چھہ امیک مول سنسکرت لفظ (مدھیہ) دنہ آمت۔ سۅرگواسۍ پروفیسر توشخانی سنز کام ٲس یہے۔ مس (مست) چھہ کاشرس منز اردو زبانی ہندۍ پاٹھۍ فارسی پیٹھہ آمت۔ ممکن چھہ یہ […]
محمد یوسف ٹینگن چھہ کلیات رسول میرس زیٹھہِ زیوٹھ پیش لفظ لیوکھمت، یتھ منز واریاہ ترت وننہ چھہِ آمتۍ۔ کینژن ہنز نشاندہی چھیہ میہ پتمین پوسٹن منز کرمژ۔ اکس جایہِ چھہ ونان زِ رسول میرن چھیہ کینہہ عجمی تہ فارسی ترکیبہ حافظ، فردوسی تہ نظامی سندۍ پاٹھۍ ورتاومژہ۔ تقریبا اکس صفحس پیٹھ چھہ یمن ترکیبن […]
نذیر آزاد چھہ پننہِ کتابہِ منز رسول میر سند اکھ شعر یتھہ پاٹھۍ دوان در جنگ کران کارِ خنجر دستِ رنگیں چانۍ ہم پنجہ دستاں چھی نہ رستم سام نگارو ٹینگ تہ شاد چھہِ غزلہ کس متنس منز “چھی” بدلہ “چھُے” دوان۔ نذیر آزادن کتہِ اۆن یہ “چھی”؟ یہ چھہ دراصل امۍ ٹینگ سندِ کلیات […]
کینژھا صحتہ چہ خرابی تہ کینژھا معاشی پریشانیو کنۍ چھس بہ وونۍ واریاہ کالہ پیٹھہ فیس بکس تہ روشۍ روشی وچھان، بلاگ تہ رود طاقچس پیٹھ، پرن لیکھن تہِ چھہ بند۔ نہ چھیہ اورچ خبر کانہہ، نہ یورچ۔ مگر اکھ سیٹھا خوش گوار خبر وٲژ زِ الطاف اندرابی صابنس نیرۍ پوش رسالس دراو تازہ شمارہ۔ […]
کاشر ادبی رسالہ نیب 