وازہ محمود

وازہ محمود سند اکھ شعر


بشیر بڈگامی: وازہ محمودنس یتھ شعرس پیٹھ کرہ ہو کتھ. اکھ کرہوس تشریح بیہ ہیمہوس سام

اسمأنۍ جانور ناو چھس ندہر
تس غذا گاڈہ ہند ماز ہے ویسۍ یے

شبیر احمد شاہ: ندہر چھہ کاشرس منز اساطیری سطحس پیٹھ علامتی ناو سہ جاناوار یس گاڈہ کھینک زیادہ شوقین چھہ ویندنہ یوان. مشہور چھہ ز ییلہ ندہر وڑاں وڑاں تھدِ آواز چھہ دواں گاڈ چھیہ تمہِ آوازِ ہندِ اثرہ تہ ہابتہ آبہ کہ سنرہ منزہ پانے بٹھس کھسان تہ ندہر سنز شکار بناں. اتھ تناظرس منز چھہ وازہ محمودن یہ شعر متن تہ معنہ مفہومہ کہ لحاظہ دعوت فکردوان۔
وازہ محمودنہ امہ غزلہِ ہندس پریتھ شعرس چھہ غزلہِ ہندِ مطلعی شعرک متن تہ سیاق ودباق تمہید یمہ تہ شعرک مفہوم اخذ کرن یژھو تتھ چھہ اتھ تمہیدی مضمونس سیتۍ ربط

منیب الرحمن: جناب یہ شعر چھہ قدرت کین عجایباتن تہ تحیراتن ہنز باوتھ اسطوری اندازس منز کران یس صوفی شاعری ہند اکھ ویہ ون مواد فراہم کران چھہ۔

امہ شعرچ خوبصورتی چھیہ دوشونی مصرعن منز، طرز بیانچ خوبی۔ قافیہ وچھو کتھہ پاٹھۍ چھہ رلاونہ آمت، جانور کتھہ پاٹھۍ چھہ پٹیکیولارایز کرنہ آمت، تہ دویمس مصرعس منز گاڈ بدلہ گاڈِ ہند ماز ونتھ کتھہ پاٹھۍ چھیہ حیرانگی پیدہ کرنہ آمژ تہ شعر فکر انگیز بناونہ آمت۔ کتہِ اسمانس منز وڈن وول جاناوار تہ کتہِ آبس منز روزن واجینۍ گاڈ۔ کمۍ سند غذا کتہِ نس۔

میانۍ کمینٹ چھہ اتھ شعرس انفرادی طور وچھان مگر یتھہ پاٹھۍ شبیر صابن وو٘ن زِ امہ شعرک اصل معنہ مدعا چھہ وازہ محمود سندہ باتہ کس سیاقس منز واضح گژھان۔ اتھ شعرس منز چھیہ نوِ اندازہ عشقہ داستان بیان کرنہ آمژ۔ کامل چھہ وازہ محمودس متعلق ونان ز اگر امۍ سند زیادہ کلام رژھرتھ آسہِ ہے رودمت، یہ آسہِ ہے کاشرِ شاعری ہند اکھ الگ باب۔ یہ شعر چھہ گاڈِ ہند پنن پان نیاز کرنس کن اشارہ کران۔

فیاض دلبر: گوڈہ چھہ ذہنس منز ندہرنۍ نٹھ تھاون۔ ندہر چھہ ہارِ سومب اکھ لوکٹ جاناوار یس یہ خاصیت چھیہ ز یہ چھہ وڈنس دوران اچانک ہوہس منز(خاصکرتھ آ بس ہیرۍ وڈنہ وزِ) برنزس کھنڈس ساکت روزتھ ہیکان۔ یتھ کنۍ چھہ یہ گاڈِ یا گرنس پنینۍ ژھاے پیٹھ ترٲوتھ ہیبت کران تہ تس چھہ وحشت سیتۍ تھرِ کونڈ پھٹیتھ یوان تہ یہ چھس جونٹہ دوان۔ اوے چھہِ ندہرنۍ نٹھ ونان۔ یتھہ کنۍ ہیکوو ونتھ ز بظاہر لوکٹ جاناوار ٲستھ تہِ چھہ یہ گاڈِ پنن غذا بناوان۔

منیب الرحمن: بالکل صحیح فیاض دلبر، میانہ خیالہ چھہ نہ یہ ہیبت کھوژن کس معنی یس منز بلکہ تتھ معنی یس منز یتھ انگریزی پاٹھی "آ” ونان چھہِ.اتھ منز چھیہ وحشت، اتھ منز چھہ اعجاب، اتھ منز چھہ حیرت۔ اتھ منز چھیہ سپردگی یس عشقچ اکھ اہم خاصیت چھیہ۔

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Google photo

آپ اپنے Google اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Connecting to %s