یتھ سمسارس اسماں اوس اپزے مپزے کیہتاں اوس یہ چھیہ تیلہ کالچ کتھ ییلہ زن دون زنگن پیٹھ انساں اوس پر تہ گژھتھ اوس واتاں کن گرہ تہ پنن ونئ راواں اوس رگہ رگ پھیراں اوسس خون خون خبر کیاہ آساں اوس سینس منز کیہتامت دل زیو روس شوگا بولاں اوس تارکھ نب وچھہ ہے […]
تمۍ وۆنم ہنا ژکھہِ سان ہیو۔ “ژیہ ترنے نہ یمہ کتھہ فکرِ۔ یم چھہِ قانونی نکتہ۔ یہ بڑا نازک مسئلہ ہے۔ یہ چھہ نہ وۅتھہِ دیدی تہ شیرِ بتہ۔”
امۍ تج میزہ پیٹھہ سگریٹ ڈبۍ۔ میہ لج
ژھۅپہ۔
________
یُتھے غلام خان کۅکر ہٮتھ آنگنس منز ژاو، شاہہ مال گٔے تھوٚد وتھتھ۔ تس رود نہ پھٮرنس لونٹ ہٮنک تہِ ہوش، یُس ٲٹھہ مٲسۍ شرۍ بوٚرمت اوسس۔ تمہِ زن لوٚب کیاہ تام لاس، تتھے کنہِ ؤژھ خانہ دارس کُن۔
_______
ستارہ ژاو وارہ کارہ شیتن، توتہِ چھس نہ بوزن تگان زِ میانہِ ماجے تمن مارہ واتلن میون مول مارنک قصاص ہیژاو تہ کیا ہیژاو۔
________
تابانہ چھہ افتابہ مگر ہے قسمت!
مۅغلن چھیہ پننۍ ژھانپھ بہتھ دۅن چشمن
1
پوشہ تھرین پیٹھ چھا زنہ گاش
کِنہ شبنم خۅشبو وتھراوان
2
یمن اچھن منز تارکھ ٲسۍ
از چھہ تمن منز اوٚش ناپان
3
پتھرس پیٹھ چھکرنہ آمژ
ٹنگہ پھلے کمۍ وچھ، کمۍ وچھ
4
ژھرِ چھینہِ لنجہ پیٹھ ہوٚکھمتہِ پنہ
تِلہ پھٮرنچ ژٔھر چالۍ مہ رٹھ
(زچہ روٚس یاون زانی دید!)
5
گاسہ تلیک وچھ کیا نکھہ والہِ
بہارہ کہ تاپک موٚت وشنیر
زمرے:شاعری
کتھہِ منز کتھ 1 آنلاین نیب کہ خاطرہ ریتہ وار کالم لیکھنہ خاطرہ کرییہ میہ پننین ادیب دوستن اکھ عام گزارش۔ اکس شخصس علاوہ (یمس بچارس کاشر تہِ لیکھن چھہ نہ تگان) ہٲو نہ کٲنسہِ دلچسپی۔ میہ ٲس کینژن نش وۅمید زِ تم یِن برونہہ کن مگر سپز مایوسی۔ سلیم سالک صٲبن دژ میہ یہ […]
اکھ لفظ چھہ مس (مست) یعنی مستی منز۔ امہ لفظک مول کیا چھہ؟ کانہہ تہِ پورمت لیوکھمت شخص ہیکہِ اندازہ کرتھ۔ مگر کاشرِ ڈکشنری منز چھہ امیک مول سنسکرت لفظ (مدھیہ) دنہ آمت۔ سۅرگواسۍ پروفیسر توشخانی سنز کام ٲس یہے۔ مس (مست) چھہ کاشرس منز اردو زبانی ہندۍ پاٹھۍ فارسی پیٹھہ آمت۔ ممکن چھہ یہ […]
محمد یوسف ٹینگن چھہ کلیات رسول میرس زیٹھہِ زیوٹھ پیش لفظ لیوکھمت، یتھ منز واریاہ ترت وننہ چھہِ آمتۍ۔ کینژن ہنز نشاندہی چھیہ میہ پتمین پوسٹن منز کرمژ۔ اکس جایہِ چھہ ونان زِ رسول میرن چھیہ کینہہ عجمی تہ فارسی ترکیبہ حافظ، فردوسی تہ نظامی سندۍ پاٹھۍ ورتاومژہ۔ تقریبا اکس صفحس پیٹھ چھہ یمن ترکیبن […]
نذیر آزاد چھہ پننہِ کتابہِ منز رسول میر سند اکھ شعر یتھہ پاٹھۍ دوان در جنگ کران کارِ خنجر دستِ رنگیں چانۍ ہم پنجہ دستاں چھی نہ رستم سام نگارو ٹینگ تہ شاد چھہِ غزلہ کس متنس منز “چھی” بدلہ “چھُے” دوان۔ نذیر آزادن کتہِ اۆن یہ “چھی”؟ یہ چھہ دراصل امۍ ٹینگ سندِ کلیات […]
کینژھا صحتہ چہ خرابی تہ کینژھا معاشی پریشانیو کنۍ چھس بہ وونۍ واریاہ کالہ پیٹھہ فیس بکس تہ روشۍ روشی وچھان، بلاگ تہ رود طاقچس پیٹھ، پرن لیکھن تہِ چھہ بند۔ نہ چھیہ اورچ خبر کانہہ، نہ یورچ۔ مگر اکھ سیٹھا خوش گوار خبر وٲژ زِ الطاف اندرابی صابنس نیرۍ پوش رسالس دراو تازہ شمارہ۔ […]
کاشر ادبی رسالہ نیب 