Uncategorized

زبان تہ ماجہ زیوِ ہنز اہمیت


مسرور امین

ماجہ زیوِ متعلق کینہہ وننہ برونہہ چھہ یہ زانن ضروری زِ زبان کتھ چھہِ ونان ؟ زبانۍ متعلق چھہِ مختلف نظریہ قائم تہ مختلف رایہِ چھیہ دنہ آمژہ۔ آکسفوڈ ڈکشنری مطابق چھیہ زبان لفظن تہ آوازن ہند اکھ سہ نظام یمہ ذریعہ انسان پننین جذباتن تہ خیالاتن ہند اظہار چھہ کران ۔

شفیع شوق چھہ زبانۍ متعلق پننِہ  کتابہ زبان تہ ادب منز لیکھان زِ "زبان چھیہ تِمن رسمن تہ قاعدن ہند ناو یمو مطابق أسۍ لۄکچہ آوازہ رلأوِتھ لفظ چھہِ بناوان تہ لفظ رلاوِتھ جملہ چھہِ بناوان ۔ زبان چھیہ آوازن لفظن تہ جملن ہندین رشتن ہند نظام ۔” 

 Kamus Besar Bahasaیس زن انڈونیشاہچ اکھ عظیم ڈکشنری چھیہ منز چھہ زبانۍ متعلق وننہ آمت : 

Language is an arbitrary sound system that is used by the members of a society to interact, communicate, establish coordination and identify among themselves۔

لہذا زبان چھیہ آوازن ہند اکھ سہ جبری نظام یمہ ذریعہ اکہ سماجکۍ لوکھ پانہ وانۍ جڑتھ چھہِ روزان۔ انسانس اگر وراثتس منز کانہہ قیمتی چیز ملیومت چھہ سۄ چھیہ زبان یمہ کہ ذریعہ انسان پننین خیالاتن، جذباتن، دۄکھن تہ دادین ہند اظہار کران چھہ۔ پریتھ کانہہ انسان چھہ 3 وہرۍ پیٹھے سۄ زبان بولان یۄس تس اندۍ پکھۍ لوکھ بولان آسن یا یۄس زبان سہ ہیچھناونہ ییہ۔ فرڈنیڈ ڈی سوسیر سند مطابق چھیہ زبان دۄن سوٚتھرن پیٹھ وجود تھاوان اکھ گوٚو باشہ بل تہ بیاکھ باشہ ورتاو۔ اکھ فرد چھہ سماجس منز روزتھ کانہہ تہِ زبان ہیچھان تہ پتہ چھہ ضرورتہ مطابق سۄ زبان موقعہ محل تہ پننہ مقصد مطابق ورتاون۔

     زبان چھیہ انسان سند تہذیب و تمدن، ثقافت، تواریخ، فلسفہ بیترِ رژرتھ تھاونک انسانس نش اکھ اہم ذریعہ۔ یہ چھہ اکہ پیہ پیٹھ بیکس پیہ تام پنن میراث ہیتھ یوان یس اتھ پننۍ قومن دیتمت چھہ آسان۔ دنیاہس منز چھیہ ساسہ واد زبانہ بولنہ یوان۔ آکسفوڈ یونیورسٹی مطابق چھیہ دنیاہس منز تقریباً 6912 زبانہ بولنہ یوان یمن منز 516 زبانہ ختم چھیہ سپزمژہ ییمک شاید یہ وجہ چھہ ز اکثر لوکھ چھہ پننہِ ماجہ زیوِ حقارت چو نظرو وچھان۔ دنیاہس منز چھیہ ساروے کھوتہ زیادہ زبانہ پاپواگنی منز بولنہ یوان، اتہ چھیہ 860 زبانہ بولنہ یوان تہ دویمس نمبرس پیٹھ چھہ انڈونیشیا۔ اتہ چھیہ 742 زبانہ بولنہ یوان، نائیجیریا چھہ تریمس نمبرس پیٹھ۔ اتہ چھیہ 516 زبانہ بولنہ یوان۔ بھارت چھہ ژورمس نمبرس پیٹھ ییتہ تقریبا 430 زبانہ بولنہ یوان چھیہ۔ پریتھ کانہہ زبان چھیہ پننہ قومچ ترجمانی کران یۄس زن تمہ قومچ مادری زبان یعنی ماجہ زیو آسان چھیہ۔ 

رود سوال ماجہ زیوِ ہند یہ گیہ سۄ زبان یۄس زن اکھ فرد پننس اندۍ پکھۍ سماجس منز ہیچھان چھہ، امہ آگاہی ہند سفر چھہ ماجہ ہنزِ کۄچھہ منز شروع سپدان۔ ماجہ زیو چھیہ انسان سنزِ زندگی منز اکہ میلہ کنہِ ہنز اہمیت تھاوان۔ پننہِ ماجہ زیوِ منز چھہ انسان پننین خیالاتن، جذباتن، غمن تہ خوشی ین ہند اظہار بیہ پھیرکۍ پاٹھۍ کران۔ اکھ بچہ چھہ ماجہ ہنزِ کۄچھہ منزے پننس پانس تہ اندۍ پکھس متعلق زانکاری حاصل کران۔ سہ چھہ باقی زبانن آسانی سان تیلہ حاصل کٔرتھ ہیکان ییلہ تس گۄڈہ ماجہ زیوِ پیٹھ عبور آسہ تکیاز ماجہ زیو چھیہ دوٚیمن زبانن ہیچھنس منز مدد کران۔ سۅ چھیہ بیین زبانن ہندین لفظن تہ جملن اندرۍ ترجمہ کرتھ سمجھنچ کوشش کران تہ پننین خیالن ماجہ زیوِ منزے سونچتھ بییس زبانۍ منز بولنچ کوشش کران۔ تحقیق تلہ چھہ واضح سپدمت زِ دماغی نشوونما چھہ تمن بچن منز جلدی سپدان یمن ماجہ زیوِ منز تعلیم چھیہ دنہ یوان۔ بقولِ نیلسن ماندیلا 

"If you talk to a man in a language he understands, that goes to his head۔ If you talk to him in his language, that goes to his heart۔”

مگر یہ چھہ المیہ ز ازکل چھہِ نہ بچہ پننین گرکین ہنز کتھ باتھ پور پاٹھۍ سمجتھ ہیکان ییمک وجہ یہ چھہ ز تمن چھہ گرن کیو سکولن منز کاشر پاٹھۍ کتھ کرنس ٹھاک یوان لاگنہ ییمہ کہ وجہ سیتۍ تمن عمرن ہند میراث روو یس زن تہنزِ ماجہ زیوِ منز شرپرتھ اوس۔ ازیک بچہ چھہِ اجنبیتکۍ شکار سپدمتۍ تکیاز تہند چھہ نہ گرکین زِٹیھن سمجھ یوان تہ گرکین ہند چھہ نہ تمن پورہ فکرِ تران۔ اتھ چھہ گٔمژ تژھے ہش باش کوا چلا ہنس کی چال اپنی چال بول گیا۔

      پریتھ کنہ قومس چھیہ پننۍ مادری زبان آسان یمہ سیتۍ تمہ قومچ پہچان چھیہ۔ ماجہ زیو چھیہ قومک تہذیب و تمدن زندہ تھاوان۔ وننہ چھہ یوان ز اگر کانہہ قوم نیست نابود آسہ کرن سہ گژھِہ پننہ ماجہ زیوِ نِش محروم کرنہ ین۔ کنہِ قومس متعلق زاننہ خاطرہ چھہ ضروری گۄڈہ تمہ قومچ زبان زاننۍ تکیاز ترجمہ کہ ذریعہ ہیکو نہ اکس قومس متعلق پور پاٹھۍ زانتھ۔ یونیسکوہن چھہ قومن ہند تہذیب و تمدن رژھراونہ کہ غرضہ 1999 منز مادری زبانن پوچھر دنہ خاطرہ 21فروری عالمی ماجہ زیوِ ہندِ دۄہ رنگۍ مناونک اعلان کورمت۔

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Connecting to %s