انتخاب: منیب الرحمن
ماخذ: صوفی شاعر مرتب امین کامل، صوفی شاعر مرتب موتی لال ساقی
میہ چھیہ سۅچھہ کرال نہِ کلامک انتخاب پیش کرنس منز حدہ روٚس خوشی۔ سورے انتخاب ٹایپ کٔرتھ پیش کرنہ بجایہ روزہ بہ یتھ انتخابس ہُریر کران۔ انشااللہ ییہ ریتس کھنڈس تام سورے انتخاب پیش کرنہ۔ سیتی ییس لفظن ہند معنی تہ تمن ہند پھور تہِ دنہ۔ امہ علاوہ ییہ سورے انتخاب پیش کرنہ پتہ، کلامک جایزہ ہینہ۔ یتین یتین ضروری آسہِ کلامس ییہ تصحیح تہِ کرنہ۔
کلامک پروف چھہ نہ ونہ پرنہ آمت۔
1
بہ کُس گوس
ہتا پانہ بہ کُس گوس
پانے اوس بہ بہانے
ماجہِ ییلہ زاس تھنے پیوس
وچھم زون تہ افتابے
یُتھے آس تیتھے گوس
پانے اوس بہ بہانے
پنا کھاجوم ستہ سوس
پراں گوس ہو اللہ
تمیک معنہِ زانن غوث
پانے اوس بہ بہانے
کینہہ نے اوس کیاہ تاں اوس
کینہہ نس معنہِ چھہ کینژھا
کینہہ نس معنہِ ونن کوس
پانے اوس بہ بہانے
ضراب خانہ دو٘د میون پوس
ضراب پیوم الااللہ
صراف وانہ میہ شک کوس
پانے اوس بہ بہانے
میہ نو زون ہمہ اوس
میہ گرِ اوس شہنشاہ
کس ونہ دشمن کس ونہ دوس
پانے اوس بہ بہانے
ہا سۅچھہ کرالہ وچھاں گوس
کینہہ نو اوس غیر اللہ
"بہ” وننہ نش ؤستھ پیوس
پانے اوس بہ بہانے
__
2
یہ چھے گمانے
اکھ ژہ تہ بییہ بہ گنزر مہ با
ہبا یہ چھے بہانے
سدرس منز باگ چھے زونہ ڈبا
تتھ منز چھہ بستھ شاہ پانے
نہ تتہِ نیہہ تے نہ تتہِ شبا
ہبا یہ چھے بہانے
دردہ کہ نارے برتو بیبا
ہرد تہ سونتھ چھے بہانے
مردِیہ پننے ونتو حبا
ہبا یہ چھے بہانے
ومبر پننۍ مو کر تبا
ژیہ ہا لوگتھ بیگانے
وو٘گنیارہ سیتین لگاں دبا
ہبا یہ چھے بہانے
دلس پننس گنڈتو کھبا
گحلس کتہِ چھہ مکانے
ژیہ کِتدہ لو٘گیو مس مشربا
ہبا یہ چھے بہانے
زچن چھابا دپاں قبا
تتھ چھے دراز دامانے
پو٘ت پھیرِ کانژھا دیہ یو کھبا
ہبا یہ چھے بہانے
یتھ فان سرایہ دین چھے شبا
اتھ منز مو تراو دکانے
پتھ چھے مرن از یا صبا
ہبا یہ چھے بہانے
سۅچھہ کرال کراں تس مرحبا
یُس گو٘و زینے دیوانے
مٔرتھ چھہ ہُراں تس مرتبا
ہبا یہ چھے بہانے
__
زمرے:سۅچھہ کرال, شاعری
کاشر ادبی رسالہ نیب 