افسانہ

کلایمکیس (افسانہ) — محی الدین ریشی


ڈاکٹر انیس چھہ دۅہےہمراز صٲبس تازہ ناولہِ متلق پرژھہ گٲر کران تہ بوز ناونہ با پتھ تس زارہ پارہ کران تکیازِ تس چھہ باسان زِ امہِ ناولہ ہنز کہٲنی چھیہ تسنزِ زندگی سیتۍ تیوت واٹھ کھیوان زِ گمان چُھس گژھان زِ ہمراز صٲب ما چھہ تسندس سِرس واقف ۔ مگر تمن چھہ پانہ وانۍ تیوتے تعلق یُس اکس بیمارس ڈاکٹرس سیتۍ آسان چھہ۔ وۅنۍ گوٚو امہِ ناولہِ ہند اکھ اکھ ورق چھہ تس زنتہِ پننۍ کہٲنی باسان۔
امیک وجہ کیاہ چھہ!

سہ چھہ سخ پریشان تہ سونچان زِکہٲنی ہند کلایمکس کیاہ آسہِ؟

توے چھہ ہمراز صٲبس دۅہےشامس ٹیلی فونس پیٹھ خبر اتر ہینہ کہ بہانہ ناولہِ ہند کلایمکس زانن یژھان مگر جواب چھس میلان زِ ناولہِ ہند باڈو چھہ ہران تہ اند چھہ نہ تس ونہِ تھنہ پیوان ۔وۅنۍ چھہ ڈاکٹر صٲبن یہ معمول بنوومت زِ گرہ گژھنہ برونہہ چھہ سہ ہمراز صٲبس نشہِ دۅہے گژھان تہ تسنزِ ناولہِ ہندۍ نوۍ نوۍ ورق پران۔تہ ژووہن گٲنٹن منز یہ سہ کران چھہ تی چھہ یمن ورقن منز لبان۔ سہ ہیوٚتن موٚت گژھن تہ سونچان زِ تس ماچھہ ہمرازن کانہہ جوسوسی کیمرہ لگوومت زِ تسنز پریتھ کانہہ حرکت چھیہ تس بوزنہ یوان۔

سہ ہیوٚتن زیادے پریشان گژھن تہ راتۍ راتس چھہ ناولہِ متعلق سونچان تہ تس چھہِ کینہہ بُرہ خیال تہِ یوان تہ سونچان زِ چھنا صلاح ہمراز نہِ دلچہ رفتارہ مشینہِ ہند سووچ کرِ سہ شارٹ ۔یۅسہ تمۍ حالے تس آپریشنہ پتہ لاجمژ ٲس۔ یپارۍ چھس نہ وۅندہ یوان زِ ناولہِ ہند کلایمکس لیکھنہ ورٲے گژھہِ سہ مرُن۔

از ییلہِ انیس ہمراز صٲبن گرہ ووت تہ وُچھن سُ بسترس پیٹھ شانت ڈاپھ ترٲوتھ زنتہ ناولہِ ہند کلایمکس لیٖکتھ تس ومراتن ہند بار لۅتیومت اوسس۔ یہ وچھتھ لوٚگ ڈاکٹرانیس لیکھۍمتۍ ورق ژھارنہِ تہ چھہ اورہ یور کران تہ نظر پییس اکس پیڈس پیٹھ یتھ پیٹھہ کنہِ فونٹین پٮن مژرٲوتھ اوس۔ تمۍ تل پیڈ تہ ہیتِن ورق پرنۍ۔

پران پران چھہ تس بتھیکۍ رنگ بدلان تہ خشمہ ہوٚت ہمرازس کن وچھان ۔ تمۍ کرِ یمن ورقن تِلمہ تہ چَھچن ہمرازس بتھس۔ مگر ییلہ تمۍ کانہہ واد کوٚر نہ امۍ تجہ ساریۍ سلپہ تہ تراوٮن پننس چندس۔تہ لوٚگ ہمرازس أچھن منز ٹارچ ترٲوتھ پنن عکس ژھارنہِ ۔ بے وایہ تروون اسُن۔۔ ۔فونٹین پٮن کوٚرنس بند تہ ژوٚل۔

زمرے:افسانہ

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Connecting to %s