1
زونۍ پان پنن پرزناو
زونۍ
پریتھ شبہ چٲنس اتھ بۅن وسنس پیٹھ چھم
جیرہ وۅتھان
یُس کانہہ آنگن
یۅسہ کانہہ دٲر تہ یُس دروازہ دواں چھے ناد
دوراں دوراں
سورے گہہ ہیتھ تسۍ نِش چکھ واتان
زونۍ، ژہ ہر گہہ پان پنن پرزناوکھ
ہر گہہ پننس دیواں خانس اندر بوش رٹکھ
سٲری آنگن
ساریۍ دارِ تہ بر واتن کھۅکھش کراں
چٲنس دروازس پیٹھ
لیکھن پننیو اچھر والوسیتۍچانٮن پدۍ آکھن پیٹھ
’’چانہِ جلوک سۅند ری اسہِ ارمان‘‘
زونۍ، تھزر ترٲوتھ
اتھ چٲنس
پریتھ شبہ بۅن وسنس پیٹھ چھم جیرہ وۅتھان__
___
2
مٔژی-ونیو مے، میہ سیتۍ مہ وچھ ژۅدٲہم زون
مٔژی ونیو مے، میہ سیتۍ مہ وچھ ژۅدٲہم زون
اگر تگاں چھے نہ دٲر وۅنۍبند کرنۍ
میہ ونتم یہِ چھا خطا میون
اگر ژیہ روشن دان مژرنہ اوے سینک
اگر ژیہ أندری شیشہِ پُھٹنک چھنۍ کنن گوٚے
میہ کُس خطا کھوٚت
مٔژی، یہ زون چانہِ کھۅتہ تہِ بٔڈ مٔژ
یہ چھینہ بالکل پژاں کٲنسی
قلف یہ مژراں کمن صندوقن
تہ چاکھ جامن چھیہ دیاوناواں
کمن مژن مس یہ پراٹہ ناواں
مٔژی ونیو مے، میہ سیتۍ مہ وچھ ژۅدٲہم زون
___
3
ایس ایم ایس
تمہِ اوس نہ روٚچھمت
زون ژۅدٲہم وچھنک
کہنے تہِ خواب
پوٚز اکہِ دۅہ متہِ ریتہ کالہِ
ییلہِ تمہِ آنگنۍ زون ژۅدٲہم دراے
تس رود نہ پانس تام
تمہِ مژرٲو ہنگہ منگہ دٲر پننۍ
دۅژھو ،دۅژھو سوٚمبروون سورُے زونہ گہہ ہلمس منز
پتہ تھوون راتس پھٹج بنٲوتھ شاندس تل
تو پتہ لیوکھن کستامتھ اکھ ایس ایم ایس
’’از سٲو میہ چٲنۍ ژۅدٲہم زون راتس پانس سیتۍ”
___
زمرے:شاعری
