شکیل الرحمان

گاڑِ کھسانے ترٲو تمۍسیٹہِ موجب سٲرۍسے نظر۔ اکھ سیٹ خالی وُچھتھ پوٚک تیز پہن یہ زٲنتھ خبر بییہ کانہہ ما بیہیہ اتھ سیٹس۔ سہ اوس نہ جوانے اوت بلکہ عاشق مزاج تہِ۔ توے تراوٮن اکھ ز ہ وۅٹہ سیٹس بیہنہ خاطر ہ۔ اتھ سیٹس بہِت لڑکی تروو یہ دارِ کُن۔

گٲڑۍ دراے تہ یہ اوس ملہ کھاہس کُن مُدے گنڈتھ کتھ تام پیرِ س سنیومت تہ گردن ٲسس گاڑِ ہندس گُماوس سیتۍ پھیران۔

ملہ کھاہن چھہ حضرت امیر کبیر میٖر سید علی ہمدانی ؒ سندِ وقتہ پیٹھہ ہتہ بدٮن ؤرٮن ٲنتہ روٚس مۅردن ہند ٲخری قیام گاہ بنتِھ شہرک منفر د تہ وسیع قبرستان آسنُک شرف حاصل کوٚرمت۔ مگر پتمٮن کینژن ؤرٮن یمہ رفتارہ جوان کیو بزرگ،زنانہ کیو بچہ گولٮن تہ بمن ہندۍ شکار سپدۍ تمۍ دیت لۅکٹٮن لۅکٹٮن ملہ کھاہن جایہ جایہ زنم۔ یمے وٲناکھ خیال ٲسۍ امۍ سندس ذہنس منز وۅتلان یم گاڑِ ہندِ لر ہش گژھنہ سیتۍ چھمبۍ گے۔

امۍ ہیٚژ تلۍ ٹارٮو لڑکی ہندٮن دۅگلٮن اتھن سام۔ پلو پۅشاکہ کنۍ جان گر چ لڑکی مگراتھہ نرِ ژھرے۔ اکھ زٲوج وٲج دچھنس اتھس منزۍمہ اوٚنگجہ لٲگتھ ۔ وچھ کیاہ چھیہ امس دۅگلس اتھس یہ وٲج سجان ۔ زیور گژھِہ سجُن تہِ۔ یم خیال وۅتلانے گوٚو یہ بڈ ہ متٲثر۔ گنڈتھ تہِ چھُس نہ۔ خۅش گوٚو اوٚنگج چھس خٲلی۔

ڈرایورن دِژ اچانک بریک۔ سوارِ گے بیدار تہ داریو کنۍ ہیوٚ تکھ وجہہ ژھانڈن۔ ظاہر اوس ییتہِ کیاہتام سپدمت۔ پولیس اوس گاڑٮن رکاوان۔برونہہ کُن ٲس سڑکھ وٲناکھ باسان۔ زندگی ہندۍ آثار زنتہ واریاہ کالہ پیٹھہ اور کُن ٲسی نہ۔گاڑۍ واپس پھِرتھ کٔڈ ڈرایورن گاڑۍ کمہ تام اند رمہِ بَڈ کوچہ کنۍ۔

یاتہ چھہ بم پھوٚٹمت نے تہ چھہ کُنہِ بنکرس حملہ گوٚمت۔ مگر اسہ بوز نہ کانہہ تہِ یژھ آواز۔ او ، یہ آسہِ کھڑا کھڑا کریکڈاوُن لوٚگمت۔ وچھ بہ کمن غۅتن گوس۔

یہ چھہ وۅنۍ سانہِ زندگی ہند حصہ بنیو مت۔ آسہِ کینہہ گوٚمت۔ وۅنۍ کیاہ یوت سنُن۔ پگاہ پرو اخبارس۔

امۍ ترٲولڑکی ہندس بُتھس یہ زٲنتھ نظر زِ امس ما چھہ رنگ ڈوٚلمپ ُت۔ یا یہ ما پتہ چھہ وۅدنہِ والۍ سیٹس بہت گژھان۔یۅسے سوارۍ گاڑِ منز وسان ٲس تسۍ اوس بی، ایس، ایف وول پلون دنن دِتھ اتھہ پھرتھ سٲرسے ساران زِ کانہہ ہتھیار ما چھس سیتۍ تہ دور گژھتھ گاڑِ پیارنُک حکم دوان۔

سۅ گژھِہ نہ مجبورا میانۍ سیٹ کٲنسہ بزرگس پیٹھ رحم کٔرتھ زٲنتھ مٲنتھ دِنۍ۔کھڑا پییم سفر کرُن۔ وُنہِ چھَم امس روزن جاے تہِ پرژھنے۔ تہ یہ تہِ زِکِژمہِ تانۍ چھُن پوٚرمت؟ افسری کتھ محکمس منز چھیہ کران، بیترہ؟ رٔ ژ لڑکی چھیہ، شریف، بوٚرُت بارتہ سجونۍ۔ یمنے گۅتن اوس زِ گاڑۍ وٲژس برونہہ کُن۔ بییہ کٔر ن سیٹس بٮہنچ بامبر۔ گاڑۍ نیرنہ سیتۍترو سوارٮو پھرٮکھ۔ کینہہ ٲسۍ پولیسس تہ کینہہ لیڈرن میٚژ بزان۔کٮنہہ تلاشۍ ین تہ کریک ڈاونن ہنزہ دلیلہ اکھ اکس ونان۔ مگر یہ اوس بوٚرُت بار آیہ لڑکی شکریہ کٔرِتھ سیٹس بیوٹھمت۔ اند رۍ اوسس سخ گلہ زِ امۍ پرژھ نہ میہ شناختی کاڑ اوسیا۔ یمو ما ووٚنوُ اولہ دولہ کینہہ۔ مگر پرژھہِ کیازِ ؟یہ کیا رشتہ دار چھا؟ بییہ تہ یہ چھیہ نہ ژھۅٹہ کھر تتھۍ گے کتھا۔ پرمژ لٮچھمژ افسر۔ یہ سوچتھ ترٲون تلۍ ٹارٮو بییہ اکہ پھرِ امۍ سندٮن اتھن نظر۔ پزۍ پاٹھۍ چھِہ دِل نوان۔ خبر کتھ گرس لگہِ ۔ہرگاہ بانہ تہ پلو چھلن، یم گژھنس خراب۔ وچھ میہ کیاہ زن زانن۔ کنڈیکٹرن لٲگۍ پونسہ رٹنۍ۔ ساروے ہیٚژ چندن ژھٲنڈ دِنۍ۔پننہ ژور کڈِتھ لوٚگ یہ تلۍ ٹارٮو لڑکی وُچھنہِ یۅس پرسس ژھٲنڈ دوان ٲس۔ ژکہ ما چھہ نہ امس پونسے۔ توے چھس یوت کال پونسہ ژھانڈنس لگان۔ہرگاہ ونہِ بہ دمس۔ اکس اکھ بکار یُن چھا گۅناہ۔ مگر امس کیازِ آسہ نہ پونسہ۔ پھٹوٹ آسہِ ژھانڈان۔امۍ کڈۍ پرسہ منز حلمس کٮتھ واریاہ دواہ پتہ ، اڈۍ ٲسۍ تاز ہ تہ اڈۍ اڈ ہ پرٲنۍ۔ بہ لو ہ نہ ز ہ پونسہ تہِ۔ یہ توٚگم نہ بوزُن یے وار ہ تہ کار ہ ڈاکٹر چھیہ۔ انرجی دواہ چھِن اوے سیتۍتھاوۍ متۍ۔یہ اوس سام ہٮوان زِ کانہہ دواہ ما آسٮس ویٚود۔ اکھ دواہ توٚگُس بوزُن یہ ٲسۍ جوان نشہ خٲطر ہ کھٮوان۔ گۅڈہ چھہ نہ ازکٮن جوانن ہند فکری تران کُس کیاہ دواہ چھہ کھٮوان ۔ میہ چھہ حال حالے وُچھمت اکھ لڑ کی چھیہ نشہ خٲطرہ بوٹ پٲلش کھٮوان۔ اکھ ڈبہ اکہ وقتہ۔ امس پییہ نظر۔لڑکی کوٚڈ پرسہ منزہ پھٹوٹ ۔ تس اوس تلۍ ٹارٮو وچھان فکرِ توٚرمُت۔ڈاکٹر! توتہِ چھیہ نہ۔ یے چھیہ وار ہ تہ کار ہ دواہ کھٮوان۔ ڈرگ اٮڈِکٹ توے چھیہ نہ کٲنسہ سیتۍ کتھ کران۔ نے اوسس یوت گژھتھ تہِ خوف بتھس پیٹھ لبنہ یوان۔ امس اوس افسوس زِ یہ رود اکس نشہ آور لڑکی تعریف کران۔ پرژھِہ میہ گاڑِ ہندِ اند رۍ نیرنُک وجہہ۔ دِل اوسس وۅٹہِ زِ امس سیتۍ کر ہ ہا دربار۔یہ گٔژھ کُنہِ جایہ افسر آسنۍ۔ امس نے امکۍ غمے چھہِ۔ نے چھَس بُتھس پیٹھ خوفچ کا نہہ شکن تہِ ۔ یہ کیا گے لڑکی بوٚرُت بار، کلہ ژٔٹ، نتہ وُچھتہ با قی سوارِ کیاہ چھیہ اکس اکھ سیتۍ اتھ پیٹھ فضول تبصرہ کران۔ اپۍ، بُزدل۔ یمے کرن سۅچھ۔

اندرم سڑکھ خام آسنہ کنۍٲس گاڑۍ دچھنۍ کھوفرۍ لاینہ یوان۔بجہِ سڑکہِ پیٹھ وٲتِتھ گے تمہ وِزِ ساریۍ سوارِ پریشان تہ ہنا تہرییہ ییلہ ڈرایورن گاڑۍ اند کُن کھڑا کٔر تہ سڑکہِ پیٹھ استاد ہ بی،ایس، ایف والۍزنانن تہ بزرگن ورٲےباقی جوان نرِ تھوٚد تُلتھ بۅن وسنک حکم دیت۔ امۍ کٔر لڑکی یہ ؤنتھ سیٹ حوالہ زِ

امۍ گٔنڈ لڑکی ہندٮن اتھن مُدے۔ دواہ کھٮنہ سیتۍ چھُس پھۅکھ کھوٚتمت۔ سیٚود چھہ ننان۔زردیار چھُس ٹاکار ہ لبنہ یوان۔ خون چھس دوٚد مت۔ میہ با سا ن اندر چھُس دواہن ہندمُشک کھسان۔ میہ زن آو یوٚ تتھ تہِ۔ امۍ سنزہ نظرہ آسہ وۅنۍ پر سس مُدے گنڈتھ۔ لڑکی پھِر امس کُن گردن۔ ٲمۍ لوگ نٮبر کُن وچھن زن تہِ لڑکی کانہہ اہمیت چھیی نہ ۔دَواہ او ٚک طرف ترٲوتھ اوس یہ امۍ سنز روزن جاے زاننۍ یژھان مگر کرہِے کیاہ؟ پرژھہا کتھ پاٹھۍ۔ اکھ وۅپرلڑکی، سہ تہِ ڈرگ اٮڈکٹ۔ امس کیاہ ہرگاہ اگاد ِگیس کس کریس پژھ۔ بادشاہن ووٚنمت ہوٚس چھا متیو مت سہلے چھہ، میہ دوٚپ زنانہ ما متییہ۔ میہ باسان گامہ چھیہ روزان۔ لڑکی کوٚڈ لۅکٹ دواہ پھوٚل تہ ترووُن ٲسس منز۔ آبہ وغٲر نٮنگہ لووُن۔ ہے بہ پرژھہاس دواہ کھٮنک عادتھ کیاز چھےُ؟ خبر مشورہ ما پرژھٮم بہ کِتھہ ہٮکہ دواہ ترٲوتھ۔ چھناسلاہ بہ پرژھس۔ ہے کرِ کیاہ گامن منز ازکل بسُن چھا یتھے؟اکہ دۅیہِ لٹہ اوس یہ گام کُن کھوٚتمت امۍ وچھہ سنسان ، صرف وردی والۍ گتھ کران ۔یم پننہِ شہرکۍ نہ آسنہ کنۍ خو فچ علامت باسان ٲسۍ۔ امۍ پرژھُس لۅتی۔
’’ دواہ کیازِ چھِو کھٮوان؟ گژھِہ نہ کھیٚون۔‘‘

یہ آواز درایی نہ نٮبر ۔یہ گییہ اندری نٮنگلتھ ۔ امس توٚگ بوزن تہ جوابس پیاریو نہ کینہہ۔

دواہ کھیٚیہ نہ تہ ادہ کیاہ کرِ؟ گامن منز بسُن چھا یتھے۔ شامہ پتھ کُن چھہِ مرد ترہران وۅنۍ چھیہ نہ زنانہِ ہنز کتھے۔دل آسٮس راوان تہ شامہ پیٹھہ فجرچہ بانگہِ تام آسہِ بے قرار روزان۔ کُس قرار یِیس؟ آسہِ اکس دارِ تل گا ہے ژرہ نظرہ دِوان تہ گاہے بییس دارِ تل۔ یہ بے قراری آسٮس گاش پھۅلنس تام روزان۔ پر ژھس ہے تہ پرژھس کیاہ؟ہر گاہ امۍ سوال کوٚر” میون وجود چھا ظلم تہ جبر برداشت کرنہ خٲطرہ ۔ ہرگاہ نہ

تیلہ کیازِپریتھ وزِ زنانے پیسنہ یوان؟ شام سپدانے کیازِ زنانہِ پنن پان غیرمحفوظ باسان۔ تراوِ اکہ طرفہ نظر تہ وردی والۍ محافظ چھِس پلو ژٔٹتھ نٮتھہ نوٚن کِرتھ دٲیرس منز رٔٹتھ ہلکٲرۍ ہی لتھوان۔تراوِ بییہ اندہ نظر تہ نِیس پنُن لٲگتھ مصیبت منز کڈن وول سارنی بٲژن کھش کٔرتھ ژادرِ تل دم پھٹۍ کٔرتھ۔ یم ویراگ آسنس شامہ پیٹھہ سحرس تام وٲنج دُبہ پھران تہ بے قراری ژھرٹہ ژھرٹھ کر ناوان۔ یہ سونچتھ و ٚوتھ امس اوٚش دَدرایہ۔

یہ اوس اتھۍ سوچس منز زِ امس پییہ نٮبر کُن نظر۔ لڑکی ٲس تیز تیز قدم تلان سڑکہِ اپور کُن تران تہ گییہ لکہ ہجومس منز شروٚپتھ۔