شاعری

ہو٘تمت ٹنگ دۅہ (نظم) — گلشن مجید


شمہ بژِھہِ ہندِس براندس تلہ کنہِ
ژھایہ ہلِس کُن
تچھہِ بچھہِ پھوٚجمژ ہی تھٔر
منگۍ منگۍ
او٘گرے تھو٘گرے، آوسیومت اکھ تاپہ ٹیوٚکا
پیو٘و
ژھۅٹہ ڈیرس پیٹھ
شمہ بژھہِ بییہ پریڈییہ اڈپاکۍ تریلن ہنز بۅے
اوٚنگجہِ ٹینڈین ماچُھر لاریوس
نظرِ ہندِس ٲنتھس ٹھرِ
پھپھسیمتۍ وانگن
(وۅنۍ چھا تِم بازر
تِم گراکھ
ژارو کتہِ کمہِ وانہ؟ کیا؟)
شمہ بژھہِ اندہ وندہ سورُے گندھکھ وٲنِس منز ڈنگہ دِتھ ہیوٗ باسیو٘و
سریہہ لد گۅپھہِ
کانہہ گاش نہ تَھو
(پھیشل پدیو کوٚت کوٚت و اتو )
بہہ ہتۍ شہہ
(ہتہ زنگُل رُمس رُمس تیلان
لینبہِ منز گییہ گُرنِس ژھاے تہ تنبلِتھ اورۍ شریپوو
شمہ بژھہِ پیوٚو اندہ وندہ تاپھ لبن ہیو٘ر ہیوٚر تاں
باتھ رومُک نلکہ چھہ بۅن والُن
سرکارۍ نلکس گژھہِ پیچ لاگُن
نتہ کیج لاگنۍ
کژھہ بۅ ے پانے تتہِ سوٗر گلن
اندہ وندہ پرزلی ییلہ من ژیہ پژی
سسرِ زمینے دِیی بیٲلس پھہہ
شمہ بژھ کھژ ٲدی دان لِوِتھ
کچھہِ اوٚدرُے وولُن رزِ پیٹھہ بۅن
وہرووُن پان
نرِ کھۅنہ وٹھ تامتھ باسییس زنگہ
پشکہِ شیہلہِ پیٹھہ تاپس تام
اوٚنگجہِ ٹینڈین بِرس بِرس کرونۍ ہیڈر لگِس
کوٚٹھۍ سینس کُن دِتھ زورہ وچن
( وُسواسۍ ہِش )
نیرِتھ آیس راتچ کہلتھ
بیڈ رومچہ اڈوژھہِ دارِ نیبر
شمہ بژھہِ ہنزِ پچہ برنہِ اندر
اکھ پیاول ہونۍ

زمرے:شاعری

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Connecting to %s