شاعری

شفیع شوق – تریہ نظمہ


ساد دیدِ ہنز دین گذارۍ

ساد دید کھژمژ چھیہ دۅہدش پاٹھۍ پھۅچہِ کنۍ
بنکرس نش بربزس نش نکۍ تہ بڈۍ
شام گ٘وو
شی!!
یتھ نہ پرژھہ ہم کو٘ت گیی تم نکۍ تہ بڈۍ
ولجہ پیٹھ چھم ترین گندرن ہندۍ پلو
زہ نیایکھ تریہ وری برونہہ
پرژھنہِ کیہہ تام…ژیر گوکھ !
اکۍ میہ تھونم ستھ تتچ
سینہ دارتھ پانہ دراو
ہہ…؟ ہہ کیا چھس چلمہِ ونہِ تیونگل وہاں
گاٹھ و ٘وتھ
ٹاس گو٘و،
چھگ لج، …آو نہ
بٲے دگ ہیتھ زیبہ مریم
درایہ رو٘ٹہم اند مزار
میہ چھہِ ساری برونٹھہ کنۍ
لبہِ د ٘وپنم : ہتے روٹھکھ کمس؟
شرۍ چھہِ شرۍ لازی کران
شاند چھم ہمۍ سندۍ مدرۍ کھرۅکھ بوزناوان

بنہ

اکھ بنہ۔۔۔ دۅن جنگلن منز باگ
یو٘تن
ہپٲرمہِ تہ یپٲرمہِ جنگلکۍ پو٘شۍ تہ جنیات
منزۍمنزۍ یوان
اکھ اکس کن ونگان
زانہہ نہ اکھ اکس ستۍ چونٹھ تہِ رلاواں
نہ زانہہ یونے کران
صرف ونگان
تہ پتہ پننس پننس جنگلس منز واپس شرپان
تہ بنہ رکھ
تژھے واناکھ
تژھے وداسۍ

مدے

چنارۍ ڈونۍ ہچو بر چھہ شفتہ
پیو٘و نہ دزتھ
کلف تہِ چاوہ اویزان
بیہ پش کٹھیک سہ اندرۍ سر
مدے گنڈتھ نبس

زمرے:شاعری

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Connecting to %s