شاعری

سنیتا رینہ پنڈت سندۍ شیہ غزل


1

دادۍ وۅتلاوو تہ ادہ لیکھو غزل
مس گژھو راوو تہ ادہ لیکھو غزل
شوقہ ہو٘ت انہار شعرس منز برو
نار شہلاوو تہ ادہ لیکھو غزل
کیاہ نزاکت یتھ تہ ہُتھ کٲژاہ فرق
گوڈہ یہِ ویژھناوو تہ ادہ لیکھو غزل
عشقہ سہلابس تہِ ےُن بے وایہِ پیو٘و
چشمہ وۅتھراوو تہ ادہ لیکھو غزل
پکھ پھلے چھاوو تہ سونتک مس چیمو
زتنہِ سومبراوو تہ ادہ لیکھو غزل
اکھ اکس وۅلہ دل رچھو کانچھو ر61ژر
یتُھ بجر پراوو تہ ادہ لیکھو غزل

2

وچھتہ جگر بو٘ڈرووم کوتاہ
وٲرو گرہ اپنووم کوتاہ
مٲنزِ گلیو سومبراویم نیامژ
بنگرِ نریو ورتوم کوتاہ
مالنۍ براندس پیٹھ لۅکچارس
اچھہ دارین ونہ نووم کوتاہ
زونہِ مو٘نگم مہرازہ دیس ہیو
لیہ انۍ انۍ وۅلسووم کوتاہ
زینہ وِزِ ترٲوکھ اشۍ ددرایا
سے آنگن اسنووم کوتاہ
تن من پشرتھ یتھ گرہ بارس
لۅہ لنگرے پکہ نووم کوتاہ
نالہ متہ رٹۍتھے وو٘ن ببہ راجن
ڈکھہ جگرس پل تھووم کوتاہ

3

چھم شوق تہ منہِ واراگ رو٘چھم
سیپہِ وارِ اندر اکھ ناگ رو٘چھم
وۅنۍ تروو میہ واین نیبریم کینہہ
انحد اندریم بس راگ رو٘چھم
ژہۍ دۅہ تے ریتہ بدۍ مشرٲوم
وۅنۍ ورین منز بس ماگ رو٘چھم
لرِ نار دیتم لشہِ ہرِ ستین
گرہ سو رُے ریہہِ منزباگ رو٘چھم
پھٹ قلم تہِ ما تو٘گ لیکھن وۅنۍ
ژھیو٘ن کاغذ ملہِ ہند داغ رو٘چھم

4

سدرچ ژھۅپہ گے سنیرچ آن
بوزن تگیا چھکھ نادان
دارین ہانکل کیاہ تھاوکھ
واوچ ژھۅپہ گے بو٘ڈ طوفان
ژھۅپہ گے رۅپہ سنز وقتس پیٹھ
قلمچ ژھۅپہ گے زنمن ہان
زیوِ رو٘س نر گو٘و دو٘بۍ سند خر
للہِ ہنز ژھۅپہ گے زنمن زان

5

گژھہِ گریشمس رژھہِ کھنڈۍ شراون از
گمہ شہلن رُمہ وۅشلاون از
آکاشہ وسنۍ گٔژھ آبہ جۅیا
بتراژ گو٘ژھم نو٘و یاون از
میہ چھہ دور ژلُن ژھین دتھ رشتن
کینہہ ترٲوتھ پتھ کن تراون از
زیو ژٹہم کینہہ چھہ نہ واے تمیک
اچھرو عالم الراون از
کملٲوتھ مومکۍ پاٹھۍ جگر
مس پیالہ برتھ چھم چاون از

6

رودن راتھے آنگن چھو٘ل
واون پوشہ تھرین رنگ مو٘ل
مخمل وتھرن سبزا سبز
دچھہ پونپرۍ وچھ عالم وو٘ل
چھم چھم وژ ھ پاں ژادر وچھ
چھۅکہ نوون زن آنگن دو٘ل
میانس باغس شراون آو
دارِ تلے گلزارا پھو٘ل
ناگہ بلن پیٹھ راگہ دوے
ککلیو کو٘ر سنطور تہِ کو٘ل
چانس شہرس ڈالہِ انے
پننین ناگن ہند پاں گو٘ل

زمرے:شاعری

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Connecting to %s